خدعوك فقالوا..انك تقدر تاخذ كل اسبوع يوم مفتوح!!

انك تقدر تاخذ كل اسبوع يوم مفتوح! لا يالاخو انت كذا قاعد تنفخ بقربه مفتوحه ,مافي شي اسمه يوم مفتوح اصلا اذا اخذت يوم مفتوح كانك خربت كل الي سويته بالاسبوع!المفروض تكون وجبه مفتوحه( ) بالاسبوع

للناس الي تبي جسم حلو ومتناسق ووجبتين مفتوحين للناس الي صعب تزيد اوزانهم اما اذا تهتم لتفاصيل الجسم مثل ظهور عضلة المعده لازم تاخذ وجبه مفتوحه كل اسبوعين!

Contents

• 1 ليش يوم مفتوح غلط؟
  • 1.1 ١. الجسم بعد فتره يتعود على نظام الغذائي
  • 1.2 ٢. الوجبه المفتوحه( ) تساعد على كسر الروتين
  • 1.3 ٣. ان تكون الوجبة المفتوحة ( ) مره كل سبعة ايام
• 2 اما اذا تهتم لتفاصيل الجسم خذ الوجبة المفتوحة ( )مره كل اسبوعين
  • 2.1 ١. ان تكون الوجبه ( ) مباشره بعد التمرين
  • 2.2 ٢. الاحساس بالشبع
  • 2.3 ٣. لا تحس بتأنيب الضمير بعد ماتاكل وجبه المفتوحه( )
• 3 تدرون ايش اكثر وجبه تمتن الناس؟
  • 3.1 وايضا تدرون ليش؟
  • 3.2 ايش الاكلات اللي تسبب ارتفاع مفاجىء للانسولين؟
  • 3.3 يعني من الاخر تبي تضعف؟
• 4 معلومه مهمه ترا الشخص الضعيف الي حاب يزيد وزنه ما ياكل الي يبيه!!
  • 4.1 ايش سالفة هذي الخلايا؟ هذي الخلايا هي المسؤله عن تحويل الاكل الى طاقه حراريه! وين موجوده هذي الخلايا؟
  • 4.2 المهم نرجع لموضوعنا كيف تزيدون اوزانكم؟
  • 4.3 نقطه مهمه لاصحاب مكملات البروتين للضخامه

لان الجسم راح يستفيد من سعرات وجبه وحده في اعادة بناء انسجه العضليه اما باقي الوجبات الجسم راح يخزنه دايركت بالشحم الله يحفظك لان راح تخرب افراز هرمون الانسولين فاحتمال كبير الخلايا العضليه تقاوم الانسولين فالاكل يتخزن بالشحم بدال العضل.

معلومه ترى اهمية الوجبه المفتوحه من اهمية متابعة نظام غذائي وممارسة رياضة وراحه في تعديل الجسم.. ليش؟

واذا تعود راح يوصل الى مرحله انه مهما تسوي ماراح يتغير فلازم تصدم جسمك بكمية سعرات حراريه عاليه عشان يسرع عملية الايض (حرق الاكل وتحويله الى طاقه) لان عملية الايض يبطء تدريجياً اذا تعود الجسم على نظام معين.

واذا كسرت الروتين نفسيتك تتعدل واذا تعدلت نفسيتك عملية الايض عندك تصير اسرع (تذكر ان الضغط النفسي سبب رئيسي في بطء عملية الايض) .

في شروط اساسيه للوجبه المفتوحه وانصح الكل يمشي عليها عشان الجسم يستفيد:

لجسم الاندومورف والميزومورف ومرتين كل سبعة ايام للاكتومورف (هذي انواع الاجسام بشرح عنها في مقالة ثانيه)

ويفضل يكون في اليوم الي تتمرن فيه اضعف عضله (مثال اذا كان كتفك ضعيف خذ لك الوجبه المفتوحه بعد تمارين الكتف واذا كان رجولك ضعاف كلها بعد تمارين الرجل) ليش؟ عشان العضله تستفيد من كمية السعرات الي راح تاكلها

معناتها اشارة من المخ ان جسمك اكتفى لا تزيد بالاكل او لا تقول برتاح شوي بعدين بكمل بالعربي راحت عليك الى الاسبوع اللي بعده .

لان ارجع واكرر الضغط النفسي والتوتر تبطء عملية الايض لاتكون مثل اي واحد ياخذ يوم مفتوح وبعدين يتحلطم ليش خاس بطنه.

هل هي وجبة الفطور؟ لا! طيب وجبةالغداء؟ لا! اجل مافي الا العشاء؟برضو لا! الوجبه الخفيفه (سناك)؟ ايه وايه والف اي! معقوله ؟؟!!تدرون ليش؟

لان اغلبنا اذا صار عندنا وقت فراغ بس ما يمدينا نتغدى او نتعشى وشفنا علبة شوكلاته نقول وحده ماتضر. فعلاً وحده ماتضر بس تدرون وين المشكله؟ وحده اتجر الثانيه!

لان اغلب الاحيان تكون وجبه الخفيفه في وقت تجمع الاهل او الربع (الاصدقاء) واحنا العرب معروفين مايصير في تجمع ومانكرم الضيف. طيب كيف نكرمه؟نعطيه فاكهه؟ اكيد لا! نعطيه مكسرات نيه؟ اكيد لا تبيهم يقولون عنا كتاكيت؟

لازم نوجبهم بذاك الشكولاته او الكنافه او ال”كاب كيك” او التمريه او المعجنات على كيف كيفك ولا القعده ماتحلى!

ياجماعه قبل لا اعطيكم الحل لازم تعرفون ايش الهدف من الوجبه الخفيفه.

الوجبه الخفيفه هدفها ان تمد الجسم بالطاقه الكافيه لليوم وتحسسك بالشبع لمده اطول مع اكرر كلمة “مع” اعطاء الجسم المكونات اللازمه لبناء عضل!

يعني الوجبه الخفيفه لازم ماتحتوي على اكلات الي تسبب ارتفاع مفاجىء للانسولين بالجسم! لان ارتفاع المفاجىء للانسولين معناتها احتمال كبير الخلايا العضليه تقاومها مما يسبب تخزين الطاقه على هيئة دهون مو بس كذا ، بعد لحظات (ساعه) راح يسبب هبوط مفاجىء للانسولين تدرون ايش يصير ان صار هبوط مفاجىء؟ راح تحس بالجوع مره ثانيه وزغددني يامزغدد.

١. الحلويات نفس الشكولاته والكنافه والروب اللي مع طعم الفواكه وغيرهم.

٢. العصاير

٣. النشويات البيضه (كل مصدر كاربوهيدرات لونه ابيض مثل المعجنات وال “شبس” وغيرهم)

اول شي اثقل واركد بعدين عدل وجباتك الخفيفه خلها تحتوي على بروتين ومصدر كاربوهيدرات بطيئة الامتصاص مثل توست حبوب كامل القمح مع شرائح تركي ولبنه خالية الدسم او روب يوناني وفاكهه او مكسرات نيه وسكوب بروتين

الناس اللي تسال انت ليش قاعد تثبت ان البروتين الزايد ما يتحول شحم,انا اقولكم لان اكيد اكيد راح يجيك يوم وتطوف حاجتك من الكاربوهيدرات والدهون وايضا السعرات واكيد راح تحس بالجوع, وقتها ايش بتسوي؟ بتطق اصبع لين بكره وماتاكل شي؟ طبعا لا هنا اقولك اذا عديت حاجتك والى الان جوعان تقدر تاكل فقط مصدر بروتين مثل صدور دجاج او سمك او ربيان والكمية مفتوحه لين تشبع.

الامور ما تقاس هكذا! فكرة انك تاكل كل شي ومافي شي اكله دسمه ما اكلت منه ترى وزنك ماراح يزيد بالعكس احتمال كبير ينزل!! صعب ان يزيد وزنك عن طريق زيادة الشحم بالجسم! بالكثير بالكثير بعد فتره راح يصير عندك بس كرش وضعاف من كل جهه! ليش؟ لان عدد الخلايا الدهنيه البنيه الي عندكم اكثر من باقي الناس بكثير!

بين الكتف والرقبه , تدرون هذي الخلايا ايش تسوي اذا شافت اكلات فيها دهن؟ تروح وتحرق الاكل كله وماتخلي الجسم يستفيد او يخزن شيء منه!! يعني سالفة انك تاكل مفطحات وكبسات ومطاعم السريعه انسى ان يزيد وزنك!!! بالكثير راح يصير جسمك مثل الي بافريقيا ضعاف من كل مكان الا البطن!

على فكره ترى دراسات جديده قاعده تحاول تزرع هذي الخلايا بالناس الي وزنهم زايد بدال عمليات التكميم لان كل مازاد عددها بالجسم كل ما الجسم حرق الاكل اسرع وضعف! اذا نجحت الدراسات هذي بيصير وداعا للعمليات! تخيل تقدر تاكل الي تبيه وقاعد تضعف هلا هلا !

١. صعب جدا جدا يزيد وزنكم عن طريق زيادة الشحم

فأفضل حل ان تزيدون وزنكم عن طريق زيادة الكتلة العضليه (يعني بناء عضل) .. كيف يعني؟ يعني تلعبون رياضة المقاومه مثل رفع الاثقال!

٢. كثروا من الاكلات الي تحتوي على كاربوهيدرات صافيه بشرط ان مايكون فيها دهون!

امثله: الارز مشخول، شوفان، حلويات خالية الدهون، ايس كريم خالي الدهون! ابتعدوا عن الاكلات اللي مليانه دهون مثل الجباتي والمفطحات والكبسات بارك الله فيكم.

٣. كل وجبه لازم تحتوي على مصدر كاربوهيدرات ومصدر بروتين وقليل جدا من الدهون

اكرر كل وجبه يعني مثال كسناك بطاطه مسلوقه مع قطع صدر دجاج افضل من جباتي وجبن كرافت!

دائما اختار البروتين اللي فيه نسبة كاربوهيدرات عاليه وقليلة الدهون, اذا البروتين للضخامه اللي عندك مليان دهون ارميه لان ماراح يزيد وزنك.