كيف تاكل وتتمرن في رمضان دليلك النهائي !!

هذا الموضوع من المواضيع اللي دايما الناس تسال فيها كل سنة وبالذات

اذا كان هدفك فقد دهون افضل شي تسويه تلعب ساعه الى نص ساعة رياضة هوائية قبل الفطور (بشرط ان يأذن بعد التمرين بالكثير بنص ساعه) واذا ماتقدر تلعب رياضه هوائية قبل الفطور تلعبها بعد المقاومة بعد الفطور, حلوين؟ نكمل…

وبعد الفطور بساعه الى ساعتين تلعب مقاومة ويفضل يكون تمرينك اما عضله كبيره او عضلتين صغار باليوم.

Contents

• 1 مثال للشباب لسؤال :
• 2 بالنسبه للبنات افضل جدول لكم لسؤال :
• 3 طيب ايش افضل تكنيك للتمارين في رمضان؟
  • 3.1 افضل تكنيك اسمه Cercuit
  • 3.2 وكم عدد الجولات والتكرارات الي تنصح فيها؟
  • 3.3 عادي العب رياضة هوائية قبل الفطور وبعد الحديد؟ .
  • 3.4 الحل تسوي تمرين اسمه Jumping Jacks
• 4 طيب ايش الحل للناس الي في دول فترة الصيام جداً طويلة ل ؟
  • 4.1 لسؤال
• 5 افضل المكملات بالنسبه لي في رمضان؟
  • 5.1 ليش هذولي النوعين افضلهم؟
  • 5.2 طيب ليش اخذ بروتين بطيء الهضم مرتين باليوم؟
  • 5.3 من الاخر،
  • 5.4 ملاحظة بخصوص السؤال
  • 5.5 طيب انت ايش طريقتك؟لسؤال
  • 5.6 ايش افضل شي اشربه عشان نقلل من الإحساس بالعطش؟
• 6 كيف نتعامل مع الحلو برمضان؟
  • 6.1 ليش افضل وقت تاكل فيها الحلو اما على الفطور او بعد المقاومة؟
  • 6.2 طيب عادي اكل حلو بالسحور؟
• 7 ملاحظات هامة بخصوص الاكل و لسؤال :
  • 7.1 من الاخر،

– اول يوم ظهر

– ثاني يوم صدر ومعده

– ثالث يوم أرجل وبطات

– رابع يوم باي وتراي ومعده

– خامس يوم اكتاف ومثلثات .

حلوين؟ نكمل…

– اول يوم أرجل وبطات

– ثاني يوم ذراع

– ثالث يوم ارداف ومعده

– رابع يوم جزء العلوي للجسم

– خامس يوم أرجل وبطات

هو عبارة انك تسوي اول تمرين بدون راحة وبعدين تسوي التمرين الثاني وبدون راحة تسوي التمرين الثالث لين اخر تمرين وبعدها تريح دقيقتين وتعيد التمارين مره ثانية .. ليش؟

لان يخليك تخلص التمرين بسرعة وتلحق على امور ثانية غير التمارين

٣ جولات وعدد التكرارات مابين ١٢ الى ١٥

اذا عندك او عندج وقت ليش لا. طيب مالي نفس اروح النادي او ممشى قبل الفطور لممارسة رياضة الهوائية ايش الحل؟

اكتبوا هذا الاسم ب Google وراح يطلع لكم بشرط ماتعانون من مشاكل بالركبة والمدة تكون ٢٠ الى ٣٠ دقيقة كفاية

الحل الوحيد هو تلعب حديد قبل الفطور بدون هوائية ويكون شدة التمرين جداً منخفصه يعني لا تشد على نفسك وبشرط يأذن بالكثير ربع ساعه بعد التمرين

الي يقول رمضان وحر وما اقدر اتمرن و يا مامي يا بابي انصحه وبقوة يشتري كتاب “لماذا انا هكذا منتفخ من كل جهة الى درجه اذا قعد ابرك مثل البعير” ويقراه وينام لأن أفضل وقت الانسان يحرق الدهون فيه هو في رمضان

١. بروتين سريع الامتاصاص مثل ISO

٢. ايضا تحتاج مكمل بروتين بطيء الامتصاص مثل Casein

لان هذولي النوعين من البروتين فيهم بكتيريا نافعه وايضاً فيهم انزيمات الهضم اللي تساعد اجسامنا على هضم اكبر كمية من البروتين والاستفاده منه بدال لا الجسم يطلعه .

مو بس كذا والكثير من الدراسات تقول ان الانسان الي ياخذ بكتريا نافعه مع بروتين بعد التمرين يكون عنده عملية الاستشفاء العضلي افضل من الي بس ياخذ بروتين لحاله وهذولي المكملين حاطلكم بكتيريا نافعه بالمكملات

لان كل مره تاخذه راح تضمن ان راح يوفر لجسمك الى ٨ ساعات احماض امينيه فاذا اخذته مرتين انت كذا ضمنت ١٦ ساعه باليوم جسمك ماراح يهدم العضل وهذا شي مهم برمضان!

٣. ثالث مكمل BCAA .

ليش؟ لان جسم الانسان يفقد كمية كبيره من هذي الاحماض وقت الصوم ونحتاج نعوض اجسامنا فيهم

شغل تنام الصبح كله وماتقعد الا وقت الصلاة انا انصحك تروح حق مصور وتصور كرشك وتبروزها لان راح تتربى على العز والدلال واحتمال كبير تتكور وتصير كأنه سنام بعير

اللي حاب او حابه تتبع نظام غذائي صحي في رمضان لفقد الدهون والحفاظ على العضله لازم اول شي تمارسون رياضة هوائية قبل الفطور واذا ماتقدر مارسها بعد المقاومة واتبع هذي الخطوات بارك الله فيك:

١. تفطر ٣ تمرات مع كوب لبن او روب قليل الدسم مع نص لتر ماء وبعدها قوم صل

٢. بعد الصلاة اكل وجبه تحتوي على مصدر بروتين مثل صدر دجاج او ستيك او سمك + مصدر كاربوهيدرات مثل الارز او بطاط او شوفان + سلطه مع نص لتر ماء

٣. بعدها بساعه الى ساعه ونص تمرن .

٤. بعد التمرين اخذ مصدر بروتين سريع الهضم مع مصدر بروتين بطيء الهضم مثل سكوب واي بروتين مع سكوب كازين او من ناحية الاكل، بياض البيض مع لبنه او جبن + مصدر كربوهيدرات مثل الفواكة

٥. الوجبة اللي تكون بعد التمرين بساعه الى ساعتين لازم تحتوي على مصدر بروتين مثل شرائح ديك رومي او صدر دجاج مع مصادر الألياف مثل الخضار.

٦. السحور لازم يحتوي على مصدر بروتين مثل صدور الدجاج او شرائح الديك الرومي وحاول تبتعد عن اللحوم الحمراء بالسحور عشان ما تحس بالعطش الصبح + مصدر كربوهيدرات مثل العيش او البطاط + روب قليل الدسم + مصدر دهون صحية مثل المكسرات او الافوكادو عشان تحسون بالشبع مده اطول

٧. قبل الامساك اشرب مصدر بروتين بطيء الهضم مثل الكازين من ناحية المكملات او روب يوناني او كوب لبن او كوب حليب او جبن قريش .

اقرا ايضا : لمحبين مشروبات الطاقة(Energy drinks) قبل النادي !! انتبهوا!!

كمية الاكل او الغرامات ما اقدر احددها هني لان يختلف من شخص لشخص حسب احتياجه اليومي

انا طريقتي نفس اللي مذكور بس الفرق اني اتفطر شوفان مع مكمل بروتين مع تمر بعدها على طول اتمرن وبعد التمرين اكل نفس اللي مكتوب في نقطة رقم ٢

تشربون شي فيه بوتاسيوم وافضلهم هو ماء جوز الهند لانه ملغم ومليان بوتاسيوم بس لازم تحسبونه من ضمن حاجتكم للكربوهيدرات .

ياجماعة اللي يحب الحلو وحاب يفقد دهون لازم يتبع هذي الخطوات:

١. لازم تمارس رياضة الهوائية قبل الفطور بساعه، حلوين؟ نكمل…

٢. عندك حل من حلين:

الحل الاول: تأكل الحلو اول شي بالفطور وبعدها تأكل فقط مصدر بروتين مثل دجاج او ستيك او سمكه وبعدها بساعه ونص الى ساعتين تتمرن رياضة المقاومة وبعد المقاومة تأكل وجبتك

الحل الثاني: تاكل على الفطور فقط وجبتك بس لا تشبع وبعدها بساعه تتمرن وبعد التمرين مباشره تاكل حلو مع مصدر بروتين

لان في هذي الفترتين يكون مخزون الكاربوهيدرات بالعضل والجسم منخفض فأغلب الكاربوهيدرات من الحلو الجسم يستفيد منه.

٣. تتسحر مصدر بروتين مع مصدر كربوهيدرات بطيئة الامتصاص مثل الروب والشوفان.

ما انصح نهائياً لان الحلو راح يرفع الأنسولين بالدم بسرعة البرق وبعد نص ساعه الى ساعه راح يسبب هبوط مفاجىء للأنسولين واذا صار هبوط مفاجىء للأنسولين راح تحسون جوع إلى احتمال تقرط ايدك بالغلط وهذا الشي راح يتعبكم وقت الصيام يوم الثاني، فلا تفكرون تاكلون حلو بالسحور.

اذا انت من النوع الي ما تحسب كمية الكاربوهيدرات اللي بأكلك وتاكل على البركه وتعشق الحلو، نصيحتي لك اليوم كله لا تأكل غير مصدر بروتين واكل حلو بعد التمرين مباشرة لين تشبع وفي هالطريقة اللي انت سويته كأنك جمعت حاجتك من الدهون والكربوهيدرات كلها في وجبة الحلو.

اذا انت من الناس اللي تنام اليوم كله وتقعد على الفطور تفرطها اكل وتتربع فوق قدر مندي وبعدها تنسدح على الارض تشرب شاي اخضر يعني بتخفف وبعدها تروح الاستراحة تندف كنافة واخرتها تتحلطم تقول ليش ضاقت فيك الوسيعة انصحك وبقوة تشتري كتاب “لماذا انا هكذا عندما اجلس في الاستراحة لأتكلم عن اخر تطورات العالم، الاصدقاء يعتقدون انني دب صغير هاجم عليهم ويتصلون على الشرطة حتى يسحبونني خارج الاستراحة ” وتقراه وتنام بارك الله فيك 🙂