زيت السمك وبناء العضل !!

Contents

• 1 تدرون ليش اذا اخذتوا زيت السمك مع البروتين تبنون عضل اسرع؟
  • 1.1 ١. لان هرمونات الجسم وتحديدا التستسترون المسؤول عن بناءالعضل
  • 1.2 ٢. لانه يقوي مناعة الجسم ويحمي خلايا الجسم ويقلل من كولسترول الضار
  • 1.3 ٣. زيت السمك تقلل من افراز هرمون الكورتيزول
• 2 كم اخذ من زيت السمك باليوم؟
  • 2.1 كيف اختار افضل حبوب زيت السمك؟
  • 2.2 طيب كم نحتاج باليوم؟

هذه بعض المعلومات والاسباب عن زيت السمك اللي تساعد في بناء العضل بشكل اسرع من اللي ما ياخذه

مستحيل يتكون بدون دهون مفيده وتحديدا اوميقا ٣ (زيت السمك) يعني اذا انت حاب تبني عضل

لازم نظام اكلك يحتوي على دهون مفيده مثل زيت السمك والمكسرات

يعني اذا حاس انك متكسر ومالك نفس تتمرن ترى احتمال كبير ان مناعتك طايحة او كولسترول الضار

مرتفع, شد حزامك الله يحفظك وخذ حبوب زيت السمك

(هرمون التوتر الي بسببه الجسم يفضل تخزين الاكل في الخلايا الشحميه) مصدر لدراسة تثبت انه

يقلل من افراز هرمون الكورتيزول:

http://www.ncbi.nlm.nih.gov/m/pubmed/20932294/

بالدراسه عطوهم ٥ غرام من اوميقا-٣ وزعوهم على وجبتين. انصحكم تاخذون غرام بعد كل وجبه رئيسية

وغرام بعد التمرين مباشره

ياجماعه هذي المعلومه حطوها في بالكم عن كيفية اختيار النوع. ترى مو كل اللي يبيعونه بالسوق زين!!!

ومرات يكون اضرار اللي يبيعونه اكثر من فوائده! ومرات يفتح الشهيه ويخليك تاكل اكثر وتخربط بالاكل! بدال

لا يساعدك على فقد الدهون!

اول شي لازم تسويه اذا بتشتريه هو تشوف مكوناته وتشوف كم غرام يحتوي من

DHA و EPA لان هذولي المركبين هم اهم مركبين اوميقا ٣ نحتاجه فيه وغيرهم مانحتاج.

كل مازاد كميتهم كل ما صار احسن.

مثال: حبوب زيت السمك من شركة معروفة هي افضل نوع عندي لكن للاسف غالي, ليش افضل نوع عندي؟

لان العلبه هذي مكتوب عليها من قدام ان فيها ٩٥٠ مغ اوميقا-٣ حلوين؟ ومنهم EPA ٥٠٤ مغ و DHA ٣٧٨ مغ

لو نجمعهم يطلع فيه ٨٨٢ مغ من اصل ٩٥٠ مغ يعني الجسم استفاد هذي الكميه والباقي ما منه فايده! مره ثانيه

عشان تعرف العلبة اللي عندك زين ولا لا اجمع ال (EPA) زائد ال (DHA) ونقص المجموع من كمية

الاوميقا-٣ اذا كان اقل من ١٠٠ مغ الفرق يعني المنتج ممتاز. اذا بين ١٠٠ مغ و ٢٥٠ مغ يعني المنتج جيد. اذا اكثر

من ٢٥٠ مغ يعني المنتج فااااااشل وارميه .

BCAA ايش هو ؟؟!! وليش اصلا ناخذ مكملات غذائية ؟؟!!

تحتاج مابين ٣-٦ غرام من مجموع هل مركبين باليوم تتناولهم بعد الوجبات.. مثال في الحبه

الواحده من هذيا المنتج اللي من الشركة المعروفة فيه ٨٠٤ مغ من مجموع المركبين يعني انا احتاج ٦ حبات باليوم

عشان ادخل داخل جسمي ٤ غرام

مسكين اللي يتابع نظام غذائي لفقد الدهون او بناء عضل وماياكل على الاقل مرتين بالاسبوع اكلات بحريه

او ياخذ حبوب زيت السمك!

عدة دراسات اثبتت انه له تأثير كبير على فقد الدهون وبناء عضل، ويمنع تجلط الدم، ويقلل من

كولسترول الضار ويسرع عملية الايض! اقروا بارك الله فيكم.

دراسه على ٤٤ شخص تثبت ان اخذ مكمل حبوب زيت السمك لمدة ٦ اسابيع له تأثير كبير على فقد الشحم،

وزيادة في الكثافه العضليه وهذا يعود لسبب انها تقلل من افراز هرمون الكورتيزول

(هرمون التوتر الي بسببه الجسم يفضل تخزين الاكل في الخلايا الشحميه)

مصدر الدراسه:

http://www.ncbi.nlm.nih.gov/m/pubmed/20932294/

دراسه ثانيه على ٣٢٤ شخص تثبت ان تناول السمك او مكمل حبوب زيت السمك ساهم في فقد كيلو دهون

بعد اربع اسابيع! مصدر الدراسه:

http://www.ncbi.nlm.nih.gov/m/pubmed/17502874/

دراسه ثالثه تثبت ان الي يلعب رياضه وياكل سمك او ياخذ حبوب زيت السمك ساهم في فقد الدهون،

وتقليل من كولسترول الضار وزياده في سرعة عملية الايض!

قالوا رياضه مع الحبوب مو حبوب وتتربع بالبيت وتاكل الاخضر واليابس بارك الله فيك

مصدر الدراسه:

http://www.ncbi.nlm.nih.gov/m/pubmed/17490962/

من الاخر ..

حاس انك متكسر ومالك خلق تروح النادي؟ اكل سمك او خذ حبوب مكمل بارك الله فيك

صارلك فتره تروح النادي ومافيه نتيجة؟ اكل سمك او خذ حبوب مكمل بارك الله فيك