رياضة المقاومة والاهتمام بالرقم على الميزان!!

Contents

• 1 صحيح اذا انا وزني زايد ولعبت رياضة المقاومه صعب اني اضعف؟
  • 1.1 ١. ياجماعة الخير لازم تعرفون شي ممارسة رياضة المقاومة مع الاهتمام بالتغذيه الصحيحة والراحه يساعدك في حرق الدهون
  • 1.2 ٢. كثير من الناس قالولي انا قاعد احاول اضعف وبنفس الوقت ارفع اثقال بس قاعد اشوف وزني يزيد ايش السبب؟ body wightيزا
  • 1.3 ٣. تكفون لحد يسأل اي شخص هل اضعف بعدين ارفع اثقال ولا عادي ارفع اثقال على طول.
  • 1.4 ٤. لا تهتمون للميزان تدرون ليش؟ لان الميزان جهاز اخترعوه عشان يكرهك عيشتك!
• 2 بالنسبة للبنات :
  • 2.1 ١. لا تخافين من رفع اوزان عاليه! شغل كيلو وكيلوين ماينفع بارك الله فيك
  • 2.2 ٢. مايصير اغلب وقتك تلعبين رياضه هوائيه بس! يابنات الله انعمنا بالعقل! رياضة المقاومة الميزان
  • 2.3 ٣. لا تركزين على عضلة المعده والارداف والفخذ وتهملين الباقي
  • 2.4 ٤. الحرمان من الاكل
  • 2.5 ٥. لا تكثرون من العصائر! ترى اسهل طريقه لزيادة الوزن هي شرب العصائر حتى لو كانت طازجه! ليش؟
• 3 معلومه تهم كل من يمارس رياضة رفع الاثقال
  • 3.1 الالياف نوعين:
  • 3.2 كيف عرفت ؟calculate ideal body weight
  • 3.3 ايش نستفيد من هذي المعلومه؟
  • 3.4 والحل ؟calculate ideal body weight

(يعني تفقد الوزن الزائد من الدهون) ويكسبك عضل (يعني وزنك يزيد بسبب زيادة وزن العضل). الزبدة يزيد وزنك بسبب بناء عضل ويقل وزنك بسبب فقدان الوزن.

السبب انك قاعد تحرق دهون وتبني عضل.

لان اذا ضعفت بدون رفع اثقال جسمك راح يترهل وبعدها المشكله راح تصير مشكلتين! من الاخر الي وزنه زايد او الضعيف لازم يبداون يرفعون اثقال لا تصدقون احد يقولكم الحديد يمسك الوزن لان هذي المعلومه خاطئه والمعلومه الصحيحه العضل ياخذ طاقته من الوزن لتكوين الانسجه العضليه

انا اكثر انسان انصح ان محد يشوف الميزان واحسن طريقه تقيس فيها اذا ضعفت ولا لا هو لبسك. اي لبسك! خذ اضيق جينز وتي شرت وصور فيهم اليوم، وكل اسبوع صور فيهم وشوف في تقدم ولا لا هذي افضل طريقه عشان تعرف اذا انت الي قاعد تسويه صح ولا لا.

اللي الان يعتقد لازم يوصل للوزن المثالي قبل لا يرفع اثقال ماتشوف شر لان بكره راح يترهل جلدك وتكره عيشتك

لازم ترفعين الوزن الي يتعبك عند التكرار رقم خمسة عشر او اقل اكثر من كذا ماتشوفين شر لان اساساً العضله متعوده على الوزن! سالفة ان احتمال تعضلين نفس الشباب تراها سالفه عميه لان جسمك يفرز نسبه قليله من الهرمون المسؤول عن بناء العضل اللي هو تستسترون (هرمون ذكوري) مقارنه بالرجال مثال لو واحد يحتاج سنتين عشان يبني عضل انتي تحتاجين عشر سنين عشان تبنين نفس كمية العضل اللي بناه الرجال خلال سنتين ومستحيل تصير الا اذا انتي وحده من مليون بنت الي جسمها يفرز نسبه عاليه من هذا الهرمون.

عمركم شفتوا وحده محترفه بالجري اوالمشي لمسافات طويله وجسمها حلو؟ لا بالعكس مافي ملامح! مافي قصات! العبوا رياضة المقاومه اكثر من رياضه الهوائيه بارك الله فيكم!

الجسم ماراح يصير متناسق اذا بنيتي عضل بمكان واحد واهملتي باقي! مايصير كل يوم تلعبين معده وسكوات وتعتقدين ان جسمك راح يتعدل! افهمي قاعدة بناء الجسم الي تقول: ( الرياضه تتلف انسجه العضليه، والاكل يعطي الجسم العناصر الي يحتاجها لأعادة بناء ماتم اتلافه، والراحه تجعل الجسم تعيد بناء ماتم اتلافه من الرياضه لمقاومة الوزن المرفوع)

يعني اذا كل يوم بتسوين تمارين سكوات ومعده، راح تتلفين العضله اكثر وراح تصغر لان ماريحتيها! واذا ماتاكلين مضبوط ماراح يتعدل جسمك.

نعم راح تنزل وزنك لكن ايضاً راح تفقدك شعرك ونظرك وعافيتك ومفاصلك تتصافق ونفسيتك واظافرك يطيحون وبلاوي سوده! كلي مضبوط!

لان العصائر عباره عن مستخلص السكر من الفاكهه! تدرون ايش يعني؟ يعني راح يسبب ارتفاع مفاجىء للانسولين وبعدها راح ينزل بسرعه واذا نزل بسرعه راح تحسون بالجوع بعد شوي وتخربطون بالاكل! مو بس كذا ! لو نفرض ان الفاكهه فيها عشرة غرام سكر، كم فاكهه تحتاجون عشان تسوون عصير؟ ثلاث؟ اربع؟ يعني كأنكم دخلتوا داخل اجسامكم اربعين غرام سكر! تدرون ايش يعني؟ اشي كرش واشي زغاديد واشي خدود متفخه واشي سيلوليت وبعدين تقولون ليش اجسامنا صايره مربعه!

اكثر خطاء شائع وتحديداً عند الامهات والاباء ياكلون مصدر كاربوهيدرات وبعدها يروحون الممشى عبالهم راح يحرقون دهون, وهذا الشي يخالف قاعده حرق الوزن الي شرحتها في مقالات سابقة, كيف يعني؟ مثل ماذكرت في مقالات سابقة عشان الجسم يحرق دهون لازم اول يتخلص من مخزون الكاربوهيدرات اللي بالجسم، حلوين؟ نكمل

اذا شخص اكل وجبه وبعدها راح الممشى كأنه عاد تعبئة مخزون الكاربوهيدرات بالجسم وراح الممشى وحرق مخزون الكاربوهيدرات.

وهذا ليش اغلب الامهات والاباء يشوفون ان وزنهم ثابت ويعتقدون بسبب كبر سنهم لكن بالواقع اختيار وقت ممارسة رياضه الهوائيه عندهم هو الغلط!

تعرف على اهم عامل لتعديل الجسم !!معقول ؟؟!!

نقطتين حطوها في بالكم:

١. اذا كنت تبي تحرق دهون العب رياضه هوائيه على معده فاضيه او بعد رياضة المقاومه.

٢. اذا كنت حاب تزيد من لياقتك البدنيه اكل وجبه قبل ممارسة رياضة الهوائيه او العب رياضه الهوائيه قبل المقاومه

العضله تتكون من الياف صح؟ صح

١. الياف سريعة الانقباض (هي الالياف الي تتلف بسرعه فيحس الانسان بالالم مكانها)

٢. الياف بطيئة الانقباض (هي الالياف الي تتلف ببطء فلا يحس الانسان بالالم الا بعد فتره من تمرينها). حلوين؟ نكمل

كل عضله في جسم الانسان يختلف فيها عدد الالياف السريعة الانقباض والالياف بطيئة الانقباض

مثال تسعين بالميه من الناس عندهم عضلة البطات تكون فيها الياف بطيئة الانقباض اكثر من سريعة الانقباض ولو كان العكس كان حس الانسان بالالم في بطاته من اول كم خطوه يخطيها!

كمان مثال ثاني انا عضلة الصدر فيها الياف سريعة الانقباض اكثر من البطيئة ، نفس الشي مع الباي ، ولكن عضلة الفخذ الامامي عندي الياف بطيئة الانقباض اكثر من سريعة الانقباض

اذا لعبت تمرين لعضلة الصدر بسرعه احس بمفعول التمرين الخاص بالعضله اكثر من اذا لعبتها ببطئ ، نفس الشي مع الباي ، اما تمارين عضلة الفخذ الامامي اذا لعبتها بسرعه ما احس بالعضله نهائياً ولكن اذا لعبتها ببطئ احس بفاعلية التمرين

الكثير من الناس عندهم عضلات في مناطق معينه اكبر واجمل من عضلات في المناطق الاخرى واحدى اهم الاسباب في ذلك انه يتعامل مع كل العضلات بنفس سرعة التمرين وهذا شي غلط ، لان بعد فتره راح يلاحظ مثلا الصدر عنده صار اكبر لكن الباي مو راضي يكبر

الحل انك تجرب تتمرن كل عضله بسرعه ، اذا ما حسيت بفاعلية التمرين بالعضله فأعلم ان اغلب الالياف في هالعضله بطيئة الانقباض ، معناتها ان هذي العضله ماراح تستفيد من التمرين الا اذا كان تمرينك بطيىء (تركيز اعلى) ، واذا حسيت بفاعلية التمرين بالعضله معناتها انه العضله فقط راح تستفيد من التمارين السريعه او ماتسمى بالبامب (pump)

مصدر المعلومه:

The Strength Training Anotomy Workout 2, Human Kinetics. Frederic Delavier. P-27