تعاني من الخمول وماودك تسوي اي شي خاصة بالشتاء؟؟!!

!

للاسف الكثير من الناس تعاني من الخمول ومالهم نفس يسون شي تحديداً بالشتاء وتحس انك دايما تعبان

Contents

• 1 طيب في هذا المقال راح اذكر بعض الاسباب اسباب الخمول؟؟!
• 2 !definition for idlenes
  • 2.1 أول سبب هوكثرة تناول الكربوهيدرات المصنعة!
  • 2.2 !
  • 2.3 سبب الثاني هو قلة النوم!
  • 2.4 !
  • 2.5 سبب الثالث هو متابعة انظمة قليلة جداً بالسعرات او انظمه ما فيها كاربوهيدرات!
  • 2.6 !
  • 2.7 سبب الرابع هو قلة تناول البروتين! .
  • 2.8 !
• 3 تدرون الشخص اللي ينام اقل من ستة ساعات باليوم باستمرار من المستحيل يتعدل جسمه
• 4 !
  • 4.1 ١. دراسة تثبت ان اللي ينام اقل من ستة ساعات باليوم
  • 4.2 ٢. دراسة تثبت ان سبب تواجد الدهون في منطقة الخواصر هي مقاومه خلايا العضليه للانسولين!
  • 4.3 ٣. دراسة تثبت ان اللي ينام اقل من ستة ساعات باليوم
  • 4.4 !
  • 4.5 ٤. دراسة تثبت ان كل مازاد افراز الجسم لهرمون الكورتيزول كل مازاد كمية الدهون في منطقة البطن!
  • 4.6 !
• 5 وفي معلومة مهمه وكثير من الناس يقولونها انك اذا أكلت ونمت راح يزيد وزنك وتكرش؟؟!!
  • 5.1 !
  • 5.2 تدرون ايش معناته الجوع؟
  • 5.3 !
  • 5.4 الزبده:
  • 5.5 السباحه بالماء البارد يحرق الدهن حرررق!

مثل السكريات والباستا والخبز والاسبانش لاتيه وغيرهم! ليش؟ لان اذا اكلت هذي الانواع من الكربوهيدرات الجسم راح يفرز كمية كبيرة من الأنسولين بوقت قصير عشان الجسم ما يتسمم من كمية السكر اللي بالدم ايش يصير بعد ساعة من تناول الكاربوهيدرات؟ بيصير نزول بنسبة سكر الدم وإذا صار نزول ايش يصير؟ هنا تحسون بالخمول والتعب!

مصدر دراسة تثبت أن تناول الكربوهيدرات المصنعة تسبب خمول وتعب:
https://www.ncbi.nlm.nih.gov/m/pubmed/24091353/

اذا انتوا من الناس اللي تنامون اقل من ٦ ساعات أو أكثر من ٩ ساعات بشكل متواصل سلموا على صحتكم سلموا على عافيتكم سلموا على اجسامكم سلموا على قوتكم سلموا على قدرتكم الجنسية لان ماراح يكون فيكم شده وركبكم راح ترجف من اول مره .

أي إنسان يمشي على نظام غذائي اقل من ١٢٥٠ سعرة حرارية على الاقل راح يحس بالخمول لان المعدل الوسطي الانسان يحرق باليوم بدون لا يسوي اي نوع رياضة هو ١٥٠٠ سعره حراريه فما بالكم لو مع حركة الى كم راح يوصل؟ فإذا ماتاكلون كفاية من وين راح تجيكم طاقة؟ من سوالف “الو هلا وشلونك اليوم ؟” لا طبعا!

وايضا حطوا في بالكم ان جسم الانسان باليوم يحتاج على الاقل ١٠٠ غرام كاربوهيدرات عشان أعضاء الجسم وتحديداً المخ يشتغلون طبيعي في متابعة أي نظام أقل من ١٠٠ جرام كارب معناته مخوخكم راح تقفل ونفسيتكم راح تصير صفر!

معلومة لازم تحطونها في بالكم الجسم ماراح يعيد بناء الخلايا إلا إذا توفر بروتين يعني اذا ما أكلتوا حاجتكم من البروتين باليوم كيف الجسم بيعيد تكوين خلايا جديده من الدم؟ وخلايا جديدة من العضلات؟ وخلايا جديده للبشره وغيرهم كيف ؟ فلازم تاكلون حاجتكم من البروتين!

مصدر دراسة تثبت أن قلة تناول البروتين سبب للخمول:
https://www.ncbi.nlm.nih.gov/m/pubmed/23392888/

حتى اذا عدل اكله وتمرن مضبوط ؟ لا وازيدكم من الشعر بيت,زغاديده في منطقة الخواصر راح تزيد وبطنه كل ماله وراح يكبر واحتمال كبير يقولون عليك كأنك لابس طفاحيات البحر حوالين جسمك, اشلون ي؟ انا اقولكم حبه حبه

(الدراسه كانت على اشخاص تنام فقط اربع ساعات) تزيد عندة مقاومة الخلايا العضليه للانسولين! يعني الاكل اللي تاكله بدال لا يستفيد منه العضل راح يروح ويتخزن بالخلايا الدهنية…. حلوين؟ نكمل…

مصدر الدراسة:

http://www.ncbi.nlm.nih.gov/m/pubmed/25658017/?i=44&from=fat%20oxidation

يعني اذا مانمت مضبوط راح تزيد مقاومة الخلايا العضليه للانسولين فيزيد تخزين الدهون في منطقة الخواصر وهاااات خواصر متزغدده هااااته

مصدر لدراسه تثبت علاقه تزايد الدهون في منطقة البطن والخصر بمقاومه الخلايا للانسولين:

http://www.ncbi.nlm.nih.gov/m/pubmed/2662701/

(الدراسه كانت على اشخاص تنام فقط اربع ساعات) تزيد عنده نسبة افراز هرمون الكورتيزول وهو الهرمون الي الجسم يفرزه اذا كان الشخص متوتر او متنرفز او متضايق… حلوين؟ نكمل….

مصدر للدراسه:

http://www.ncbi.nlm.nih.gov/m/pubmed/24823456/

يعني اذا مانمت مضبوط، جسمك راح يفرز نسبة اعلى من هرمون الكورتيزول فيزيد كمية الدهون في منطقة البطن وبعدين تعال قول ليش بطني صاير دائري ويابس مو الله يحفظك انت بالييل ماسك التلفون وصايرلي عاشق الولهان على حساب صحتك, سنع وزارتك بارك الله فيك شغل قوليلي قصة ومش عارف ايش ماينفع ترى موضه قديمه

مصدر الدراسة تثبت سبب تواجد الدهون في منطقة البطن هو ارتفاع نسبة هرمون الكورتيزول:

http://www.ncbi.nlm.nih.gov/m/pubmed/10023725/?i=3&from=/16353426/related

يفضل تنام ستة ساعات متواصله او على الاقل خمس ساعات وساعة العصر

خدعوك فقالوا..انك تقدر تاخذ كل اسبوع يوم مفتوح!!

لا يا متعلمين يا بتوع المدارس الامور لا تقاس هكذا!!! تقدر تاكل وتناااام دايركت وامورك بالسليم بشرط انك ماتعدي حاجتك من الكاربوهيدرات والدهون باليوم!

سيدنا محمد صلى الله عليه وعلى اله وسلم اوصى بالسحور, كيف يعني؟ يعني ماننااااام بعد صلاة الفجر؟؟؟ خلاص لان كلينا واذا نمنا بنصير براميل؟

لا ياباش مهندس غير هالحكي الله يحفظك, ياجماعه ترى الجسم شغال حتى وانت نايم ويستمر في حرق السعرات عشان تتنفس وتعيش يعني اللي مفكر ان اذا نام الجسم يوقف من الشغل انصحه وبقوه يراجع طبيب لان عقلة مصدي

اكرر تقدر تاكل اللي تبيه وتنام بشرط ماتعدي حاجتك باليوم من الكاربوهيدرات والدهون, اصلاً اكبر غلط انك تنام وانت جوعان! مو بس كذا اصلاً اكبر غلط انك تجوع وماتاكل.

الجوع هو اشارة من المخ ان يافلان وكلني تكفى ترى اذا ماوكلتني راح احرق البروتين اللي بالعضل عشان احصل على طاقه, فنصيحة اذا حسيت بالجوع لا تنتظر اكثر من نص ساعه واكل ولا من الحين اقولك انسى سالفة هاااات جسم مودل هاااات وعلى فكره ترى كل ما طولت بالاحساس بالجوع احتمالية انك تخربط بالاكل تزيد!

١. عادي تاكل وتنام على طول بشرط ماتعدي حاجتك من الكاربوهيدرات والدهون .

٢. اكبر غلط انك تحس بالجوع اكثر من نص ساعه لان قاعد تحرق عضل واحتمالية انك تخربط بالاكل اكبر. فما بالك تنام وانت جوعان؟ معناتها ان جسمك راح يحرق العضل حرق وتقعد من النوم جسمك متزغدد.

ياحبيبييييي اصلاً النومه ماتسوى اذا ماكليت قبلها كبسة ولبن باااااارد و كنافه مبرومه برم بلا دايت بلا جسم موديل هاااات كرش حبيبي هااااته لا لا اسحبها اهم شي الاخلاق بعدين الصحه 😜

يعني شفت الرقصه الي تسويها اذا تبي تتسبح وجاتك ماء بارد؟ استحملها وتسبح وغمض عين وفتح عين وشوف اشلون يصير جسمك جسم مودل! اقروا بارك الله فيكم!

١. اللاعب مايكل فلبس ( Michael Phelps ) بطل الاولمبيات في السباحه! ياكل باليوم اكثر من عشرة الاف سعره حراريه! يعني لو يركض ويناقز ويتكوكس اليوم كله مستحيل يحرق نص الي ياكله! ومع هذا جسمه متناسق ونسبة الشحم قليله جدا! اسألوه كيف كذا ؟ قال لاني اكون تحت الماء باليوم اكثر من ست ساعات ودايما احرص ان الماء يكون باااااااارد!! لان الجسم يحتاج يبذل مجهود اكثر عشان يعدل حرارة جسمي فيحرق ضعف مضاعف السعرات! هلا هلا

موقع مايكل يتكلم عن كمية السعرات الي ياكلها باليوم:

http://www.michaelphelps.net/michael-phelps-diet/

٢. دراسة اكتشفت ان السباحه بالماء البارد من افضل الطرق لحرق الدهون! ليش؟ لان في اجسامنا نوع من الخلايا الدهنية تكون لونها بنية المهم بالمختصر هذي الخلايا موجوده بين الكتف والرقبه وظيفتها تاخذ الشحم وتحرقه عشان تعدل درجة حرارة الجسم! فالسباحه بالماء البارد تنشط هذي الخلايا لتحرق دهون عشان يتدفى الجسم! هلا هلا

مصدر الدراسة:

http://www.ncbi.nlm.nih.gov/pmc/articles/PMC4008632/

من الاخر…

ترى موضة تتسبح بالماء الحار انتهت الناس وصلت المريخ واحنا الى الان ننتظر خمس دقائق على مايحتر الماء,اسمع الكلام اللي يجمد على الشارب,شفت رقصة هز يا وز الي تسويها اذا جاتك ماء بارد؟ ترى ماصارت عبث اكيد في شي بالموضوع, يعني تحملها بارك الله فيك واسبح.