الساونا - خدعوك فقالوا..ان الساونا والبخار والجاكوزي يحرقون دهون ؟؟!!

Contents

• 1 خدعوك فقالوا ان السونا وغزفة البخار والجاكوزي يحرقون دهون!! ما يشوف شر اللي يصدق هذا الكلام
  • 1.1 ١. الساونا
  • 1.2 بالمختصر فايدة الساونا الوحيدة هو طرد السموم ويساعد على استرخاء العضل فقط!!!
  • 1.3 ٢. البخار
  • 1.4 ٣. الجاكوزي

المهم، لازم تعرفون الفرق بين الساونا والبخار والجاكوزي

عباره عن غرفه حارة جافة,وفايدته الوحيده! ان يخلي الانسان يعرق وشوي يساعد على استرخاء العضل,

وكلنا ندري احد طرق خروج السموم من الجسم هو عن طريق التعرق,ولكن لا تكثر بالقعده بارك الله فيك

بالكثير عشر دقايق بالاسبوع لان يسبب جفاف وترى الجفاف سبب رئيسي لشد العضلي وهدم العضله!

طيب كيف نتجنب الجفاف وبنفس الوقت نستفيد من طرد السموم؟

انك تكثر من شرب الماء بعد الساونا

خدعوك فقالوا..ان البروتين يخرب الهرمونات ويطيح الشعر ويسبب الضعف الجنسي ؟؟!!

عباره عن غرفه حاره رطبه!وفايدته نفس فايدة الساونا بالضبط! ان يخلي الانسان يعرق فيساعد

على طرد السموم وشوي يساعد على استرخاء العضل

طيب ايش الفرق بين السونا والبخار؟

الفرق الوحيد ان البخار غرفه رطبه الساونا غرفه جافه, وفي ناس تحب تكون الغرفه رطبه وفي ناس

تحب الغرفه جافه,من الاخر كولو كولو سيم سيم

عباره عن مسبح هزاز وفي نوع يكون الماي حار وفي نوع يكون الماء بارد,- الجاكوزي الحار فايدته

الوحيده هو استرخاء العضل نفس المساج – الجاكوزي البارد فايدته نفس الجاكوزي الحار بالاضافة

انه ينزل درجة حرارة الجسم اللي من خلاله الجسم يحتاج يحرق سعرات حرارية اضافيه عشان ترفع

درجة حرارة الجسم الى الطبيعي,بس ترى شي بسيط جدا جداً يعني ما يسوى رقصة ماكارينا الي

بترقصها اول ما تلمس الماء البارد

طيب هل يحرقون دهون؟

ما يحرقون ولا شي الله يحفظكم مالهم شغل بالدهون نهائياً الا الجاكوزي البارد يساعد شوي.

من الاخر….

اذا حاط في بالك ان البخار راح يطير الزغاديد الي بخواصرك الي كأنهم طفاحيات فانا انصحك وبقوة تروح

تبلغ على الي عطاك هذي المعلومه فعل فاضح

اذا حاطه في بالك ان اذا تمغطتي بغرفة سونا راح تنحرين الدهون اللي بزندك فانا انصحك تشترين

كتاب اسمه “لماذا زندي هكذا كأنه فخذ تيس” وتقرينه وتنامين.