نظام الكيتو وعلاقته بنزول الدهون!!شوف كيف ؟؟!!

تقريباً اغلب الدراسات واغلب الناس تدري ان علاقة نظام الكيتو( ) مع نزول الوزن علاقة قوية جدا يعني كل ما التزمت في نظام الكيتو كل ما نزل وزنك اكثر ولكن الى حد معين, حلوين؟ حلوين .. .

Contents

• 1 طيب ايش علاقة نظام الكيتو( ) بنزول الدهون ؟
• 2 طيب ايش يعني هذا الكلام ؟ هذا يعني :
• 3 تبون الصدمه؟
• 4 طيب ليش نزول السريع في البداية؟
• 5 ليش الواحد لما يرجع لنظامه الطبيعي وياكل طبيعي يرجع كل الوزن الي فقدة واحتمال يزيد؟؟
• 6 طيب ليش شركات الكيتو والكثير من الناس المتخصصين وبعض التجار يدافعون عن هذا النظام؟

باحث علمي راجع فوق ١٠ دراسات عن تأثير نظام الكيتو بفقد الشحم وليس الوزن وايش لاحظ؟؟؟

من الرسم البياني هذا الناتج الي طلع (Pearson’s R = -0.48, R^2 = 0.23) والي يعرف بالاحصائيات راح يدري ان من الشكل والارقام ان بعد جمع كل الدراسات اللي صارت عن علاقة الكيتون بفقد الدهون ان علاقة متوسطه ! يعني مو قويه!

١. الوزن ينقسم الى عضل وماء ودهون وعظام

٢. نظام الكيتو تأثيرة قوي على نزول الوزن وعلاقتهم عكسية قوية يعني كل مازاد الانسان في نظام الكيتو كل ما نزل الوزن لحد معين وبعدها يثبت.

٣. علاقة بين كمية نزول الدهون والكيتون متوسطة.

يعني باختصار, بما ان نظام الكيتو يؤثر على الوزن بشكل كبير وتأثيره على الدهون متوسط يعني نزول الوزن اللي ينزله الانسان من الوزن هو اغلبه من العضل والماء وجزء منه من الدهون!!

اكيد من الصعب احط كل مواقع مصادر الدراسات اللي صارت في هذا الموضوع لكن اللي حاب يقراهم كل اللي عليه يشوف الرسم البياني ويعرف الاسماء.

مصدر لدراسة الي تثبت ان اغلب الوزن الي نزل بنظام الكيتو ( ) هو ماء:

https://www.ncbi.nlm.nih.gov/pmc/articles/PMC333231/

وايضاً هذا مصدر لدراسة تثبت ان نظام الكيتو ينزل الوزن بشكل كبير بالفتره الاولى ولكن بعد متابعته لاكثر من ٦ شهور راح يثبت الوزن لو مهما تسوي لان اكتشفو ان سبب نزول الوزن السريع هو بسبب خروج الماء من الخلايا العضلية:

https://www.ncbi.nlm.nih.gov/m/pubmed/15351198/

انا متاكد ان في ناس كثير بتختلف معاي وبترد علي بدراسات تثبت عكس كلامي, طبعا اكيد بالنهاية هذا علم وفي الاخر اختلاف الاراء لا يفسد في الود قضية , في البداية انا ما احاول اقنعك انا فقط ابدي رايي فيه بناء على البحوثات اللي سويتها , وقبل لا ترد علي باي دراسة او بحث علمي في موقع اسمه the science of fitness سوو دراسة على اسماء الدكاترة اللي قالوا ان نظام الكيتو اثبت فاعليته  ,اكتشفوا ان فوق ٨٠٪؜ من الدكاتره ان لهم علاقة مبااااااشر وفيها فايدة كبيره مع اكبر شركتين تروج منتجات لها علاقة بالكيتو!! هذا يعني اذا شفتوا دراسة تثبت فاعلية نظام الكيتو واسم الباحث مذكور بالصورة يعني كل الكلام فااااااضي وشكرا .

قبل كل شي اتمنى تاخذون وقتكم وتقرون الكلام الي مكتوب فوق اللي يثبت ان نظام الكيتو في نزول الدهون جداً بسيط

هذا كلام مأخوذ من الجمعية الدولية للتغذية الرياضية,يعني اذا انا غلط والدراسات غلط وايضا هذي الجمعية اللي معترف فيها في كل الدول غلط! مايصير!

https://jissn.biomedcentral.com/articles/10.1186/s12970-017-0174-y

مثل ماقلت فوق ان نظام الكيتو ( ) هو اسرع نظام ينزل وزن ولكن بعد فترة يثبت ويصير النزول جداً صعب

نزول السريع بسبب خروج الماء من الجسم! لان الي يمسك الماء بالخلايا وتحديداً العضل هي الكاربوهيدرات ومثل ما الكل عارف كل غرام من كاربوهيدرات بالخلايا تمسك ٣ غرام من الماء , فاذا منعت الكارب من الجسم ايش راح يصير؟ بتطلع الكاربوهيدرات والماء من الخلايا والجسم ولهذا السبب يصير نزول سريع بالوزن ولكن بعد فتره راح يروح الماء والكارب فايش بيصير؟ ثبات بالوزن وصعب جداً ينزل .

وهذا دليل كافي يثبت ان نظام الكيتو تأثيره في نزل الدهون مش ولابد لان بعد مايروح الماء والكارب من الجسم صعب ينزل الوزن,الا اذا قللتوا تناول مصادر البروتين وبالتالي راح ينزل الوزن ولكن من ايش ؟ الدهون ؟ لا طبعاً من العضل.

لان الجسم جدا ذكي ففي المرحلة اللي صار الجسم بدون كارب وماء دخل الجسم في مرجلة اسمها “مرحلة الجوع” وهذي المرحلة يقوم الجسم بمحاولة ان يسوي اي شي عشان يعيش مثل تبطيء عملية الهضم، تقليل من النشاط، وتقليل من كمية الطاقة الموصوله للاعضاء ومنها المخ فيصير صداع وفقدان للذاكرة وغيرها وانا متاكد ان اغلب الناس اللي صارلهم فترة في نظام الكيتو يصير فيهم صداع او فقدان للذاكرة حتى لو بنسبة بسيطة.

المهم اذا رجع الانسان ياكل طبيعي ايش راح يسوي الجسم؟ بيرجع يدخل الكاربوهيدرات بالخلايا فيزيد كمية الماء اللي بالخلايا ويقوم الجسم وقتها ايش يسوي؟ يقول خلاص يكفي الكارب والماء اللي رجع بالخلايا؟ لا طبعا يقوم ويخزن دهون اكثر عشان يضمن مره ثانية اذا اتبع الانسان نظام كيتو مايدخل الجسم في “مرحلة الجوع” وتكون عنده طاقه مخزونة كافية للحياة (الدهون)

لان هي اسهل طريقة ان يبيعون منتجات تحتوي على اكلات بدون كاربوهيدرات بسعر دبل من سعر مع كاربوهيدرات .. والناس مساكين على اساس ان كيتو ياخذون قرض …

وبالنهاية كل واحد عقلة براسه ويعرف خلاصه .